İngiltərədə 70 mindən çox universitet işçisi maaş, təqaüd və iş şəraiti ilə bağlı fikir ayrılıqlarına görə üç gündür tətil ediblər.
Elchi.az xəbər verir ki, tələbələrin Milli Birliyi də ölkə üzrə 150 universitetin 70 mindən çox professor-müəllim heyəti, tədqiqatçı, kitabxanaçı və digər əməkdaşların təşəbbüsü ilə keçirilən tətili dəstəkləyib.
Universitet və Kolleclər Birliyinin (UCU) Baş katibi Jo Grady, bunu “ali təhsil tarixindəki ən böyük tətil aksiyası” olaraq xarakterizə edərək, 2,5 milyon tələbənin tətildən təsirlənə biləcəyini təxmin etdiklərini söylədi.
Universitet işçilərinin inflyasiya qarşısında inflyasiyadan və pensiyaların kəsilməsindən bezdiyini vurğulayan Qreydi, işçilərin narahatlıqları təcili həll edilmədiyi təqdirdə gələn il daha böyük addımların atılacağı ilə bağlı xəbərdarlıq edib.
Universitet əməkdaşlarının tətili noyabrın 25 və 30-da da davam edəcək.
Şotlandiyada müəllimlər də tətilə qoşulurlar
Şotlandiyada da müəllimlər maaş mübahisəsinə görə tətilə qoşulublar.
Şotlandiyanın 1980-ci illərdən bəri məktəblərə qarşı ilk ümummilli tətili demək olar ki, hər bir ibtidai və orta məktəbdə, eləcə də bir çox uşaq bağçalarında şagirdlərə təsir edir.
Müəllimləri təmsil edən həmkarlar ittifaqları çərşənbə axşamı (22 noyabr) yenidən işlənmiş maaş təklifini “alçaldıcı” olaraq rədd etdilər.
Şayəstə
Son şərhlər