Hollandiyada ifrat sağçı populist Demokratiya Forumu partiyasının lideri Thierry Baudet Hollandiyada ümumi seçkilər ərəfəsində hücuma məruz qalıb və başına pivə şüşəsi ilə zərbə endirib. Elchi.az xəbər verir ki, bu barədə “Bloomberg” məlumat yayıb.
Partiya nümayəndələri aydınlaşdırıblar ki, Boden Qroninqen şəhərindəki xəstəxanaya aparılıb, daha sonra başının arxasında və gözünün yaxınlığında şüşə ilə vurulduğu üçün travma cərrahına müraciət edib.
Qeyd olunur ki, hücum anı videoya çəkilib, sonradan internetdə yayılıb. Hollandiya polisinin sözçüsü Thijs de Jong bildirib ki, hücumda şübhəli bilinən şəxs həbs edilib və onun motivi araşdırılır.
Bodenin müttəfiqləri əlavə ediblər ki, başqa bir şəhərdə seçkiyə iki gün qalmış planlaşdırılan tədbir partiya liderinin sağlamlığı və təhlükəsizliyi səbəbindən ləğv edilib.
Qeyd edək ki, bundan əvvəl oktyabrın sonunda Ukraynaya hərbi yardımı tənqid edən və buna qarşı çıxan Bode Belçikada da hücuma məruz qalıb. O, mühazirə oxumalı olduğu Gent Universitetinin girişinin yaxınlığında başından vurulub.
Havar Şəfiyeva
