“Freddi” qasırğası nəticəsində ölənlərin sayı 300-ü ötüb

Afrikanın cənub-şərq sahillərində təsirli olan “Freddi” qasırğası nəticəsində Malavi, Mozambik və Madaqaskarda həyatını itirənlərin sayı 300-ü keçib.
Elchi.az xəbər verir ki, milli mətbuatda yer alan xəbərə görə, Mozambikin Zambeziya əyalətində təsirini artıran qasırğada ən azı 53 nəfər həyatını itirib.
Şiddətli yağışın təsirinə məruz qalan Malavidə 225 nəfər həyatını itirib, yüzlərlə insan yaralanıb, çoxlu insan itkin düşüb.
Qitənin cənub-şərq sahillərinə təsir edən “Freddi” qasırğası nəticəsində Malavi, Mozambik və Madaqaskarda ölənlərin sayı 300-ü keçib.
Birləşmiş Millətlər Təşkilatının Uşaq Fondu (UNICEF) Mozambikdə ölənlərin sayının arta biləcəyi barədə xəbərdarlıq edib.
Mozambik səlahiyyətliləri zərərin və insan itkisinin miqyasının müəyyən edilməsinin bir neçə gün çəkəcəyini bildirib.
Malavi prezidenti Lazarus Çakvera ölkənin cənubundakı 10 rayonu “milli fəlakət zonası” elan edib.
Yardım səyləri üçün beynəlxalq dəstəyə çağıran Çakwera, 80 mindən çox insanın didərgin düşdüyünü söyləyib.
Dünya Meteorologiya Təşkilatı ilk dəfə keçən ay yaranan və 21 fevralda Madaqaskarda, 3 gün sonra isə Mozambikdə təsirlənən Freddinin tarixin ən uzun sürən qasırğası ola biləcəyini açıqlayıb.

Şayəstə