Fələstinin BMT-dəki Daimi Müşahidəçisi Riyad Mənsur Fələstinin BMT-yə tamhüquqlu üzvlüyü ilə bağlı yeni məktub göndərib.
Elchi.az bu barədə “Anadolu Agentliyin”ə istinadən xəbər verir.
Fələstin Dövlətinin “X” sosial media platformasında, ərizə məktubunun bir nüsxəsini də ehtiva edən yazısında:
“Bu gün Fələstin Dövləti Fələstin rəhbərliyi adından baş katibə (Antonio Quterreş) üzvlük müraciətinə yenidən baxılmasını xahiş edən məktub göndərib”-deyilib.
Mənsur məktubda tələbin tezliklə BMT Təhlükəsizlik Şurasına göndərilməsini istəyib.
Fələstinin BMT-dəki Daimi Müşahidəçisi Mənsur 26 iyul 2022-ci il tarixində Təhlükəsizlik Şurasına tam üzvlüklə bağlı çıxışında BMT Təhlükəsizlik Şurasının qəbul etdiyi 2334 saylı qətnamə ilə Fələstinin ərazi bütövlüyünün BMT tərəfindən tanındığını xatırladıb. 23 dekabr 2016-cı il tarixdə və müvafiq olaraq tamhüquqlu üzvlük əldə edilib.O, statusunun təsdiq olunmasını istəyib.
Qərarda İsrailin 1967-ci ildən bəri işğal etdiyi Fələstin ərazilərində, o cümlədən Şərqi Qüdsdə yaşayış məntəqələri yaratmasının qeyri-qanuni olduğu təsdiqlənib və İsraili işğal etdiyi Fələstin ərazilərində bütün məskunlaşma fəaliyyətlərini dərhal dayandırmağa çağırıb.
BMT-nin üzvü olmayan Fələstin 193 üzvlü təşkilatda “üzv olmayan müşahidəçi dövlət” statusuna malikdir.
2012-ci ildə BMT Baş Assambleyası Fələstinin statusunu “müşahidəçi təşkilat”dan “üzv olmayan müşahidəçi dövlət”ə yüksəldib.
Fələstinin BMT-yə tamhüquqlu üzv olması üçün BMT Təhlükəsizlik Şurasının təsdiqi tələb olunur, daha sonra BMT Baş Assambleyasında səsvermə keçirilir.
Fələstin 2011-ci ildə BMT-yə tam üzv olmaq üçün müraciət etmişdi, lakin bu müraciət BMT Təhlükəsizlik Şurasında lazımi dəstəyi almamışdı.
Nuranə Məmmədova