Oktyabrın 30-dan Estoniyada yoxsullar üçün ərzaq kartları sistemi fəaliyyətə başlayıb.
Elchi.az Mk.ru-ya istinadən xəbər verir ki, bu barədə məlumatı ölkənin Sosial Müdafiə Nazirliyinin mətbuat xidməti yayıb.
Mənbənin sözlərinə görə, karta ehtiyacı olanlar lazımi məhsulları ala biləcəklər. Əvvəllər yoxsullara yardımlar Ərzaq Bankı vasitəsilə paylanırdı. İşçilər supermarketlərdən satılmayan malları toplayıb, ehtiyacı olanlar üçün ərzaq səbətləri hazırlayıblar. Amma çox vaxt insanlar ehtiyacı olmayan mallar alırdılar.
İndi aztəminatlı insanlara ərzaq kartları veriləcək ki, onlar bu kartlarla hər rübdə 30 avroya ərzaq ala bilərlər. İnsanlar öz mülahizələri ilə mallar alaraq öz vəsaitlərini idarə edə biləcəklər. İdarədən qeyd ediblər ki, kartdan tütün məmulatları, spirtli içkilər və lotereya biletləri almaq mümkün deyil.
Yeganə
