Ermənilərin durumunu düşmənə də arzulamıram

Ermənistan ümid yerindən zərbə aldı. Rusiyanın Ermənistandakı bazasında xidmət edən əsgərin törətdiyi cinayət aranı qarışdırdı.

Rus əsgərinin törətdiyi əməl barədə informasiyalardan xəbərdarsız. Məlum hadisənin görünən tərəflərindən daha çox görünməyən tərəfləri var.

Amma həm görünən, həm də görünməyən tərəfləri saf-çürük edəndə görünür ki, əslində heç nə baş vermir və verməyəcək. Sadəcə bir erməni ailəsi yer üzündən silindi.

Əslində bu aqibəti ermənilərə arzulamıram. Çünki…

Bu barədə sonda indi isə baş verənlər barədə informasiyaları saf çürük edək.

Sıralama təxminən belədir.

• RUS ƏSGƏRİ ERMƏNİ AİLƏSİNİ QƏTLƏ YETİRDİ.
• ERMƏNİ AİLƏSİNİ QƏTLƏ YETİRƏN RUS ƏSGƏRİNİ ERMƏNİSTAN HÜQUQ-MÜHAFIZƏ ORQANLARI YOX, ELƏ RUS SƏRHƏDÇİLƏRİ YAXALADI.
• YAXALANAN RUS ƏSGƏRİ ERMƏNİSTAN HÜQUQ-MÜHAFIZƏ ORQANLARINA TƏHVİL VERMƏDİ.
• İSTİNTAQIN KİM TƏRƏFİNDƏN APARILMASI MÜBAHİSƏLƏR YARATDI.
• YARANMIŞ SİTUASİYA ERMƏNİSTANDAKI QƏRBPƏRƏST QÜVVƏLƏRİ HƏRƏKƏTƏ GƏTİRDİ.
• QƏRBPƏRƏST QÜVVƏLƏR ANTİ-RUS BƏYANATLAR VERDİ.
• RUSİYADAN BU BƏYANATLARA CAVAB ÖZÜNÜ ÇOX GÖZLƏTMƏDİ. – RUSİYALI POLİTOLOQLAR VƏ BƏZİ SİYASƏTÇİLƏR ONLARIN YADINA SALDI Kİ, ONLARIN DƏSTƏYİ OLMASA ERMƏNİSTAN AZƏRBAYCANIN QARŞISINDA DAYANA BİLMƏZ.
• BÜTÜN BUNLARIN FONUNDA ERMƏNİSTANIN DƏMİRÇİYANIN VƏ TER-PETROSYANIN LİDERİ OLDUĞU ƏSAS MÜXALİFƏT QÜVVƏLƏRİ SUSQUNLUQ NÜMAYİŞ ETDİRDİ.  – HƏTTA BƏZİ ERMƏNİ POLİTOLOQLAR BU SUSQUNLUĞU TƏNQİD DƏ ETDİLƏR. ERMƏNİSTANIN TƏHLÜKƏSİZLİK VƏ BEYNƏLXALQ MƏSƏLƏLƏR İNSTİTUNUN RƏHBƏRİ STEPAN SƏFƏRYAN BU SUSQUNLUĞU ANLAŞILAN ADLANDIRIB. O BİLDİRİB Kİ, BU QÜVVƏLƏR ERMƏNİSTANIN AVRASİYA İTTIFAQINA GİRMƏSİNDƏ GÖSTƏRDİKLƏRİ MÖVQENİ TƏKRAR EDİRLƏR.
• ÖLKƏDƏ BAŞ VERƏNLƏRƏ HƏMİŞƏ ÖZ REAKSIYASI İLƏ SEÇİLƏN MÜXTƏLİF GÜC MƏRKƏZLƏRİNƏ YAXINLIĞI OLAN VƏ ERMƏNİSTANIN İDEOLOJI SÜTUNUNA SƏDAQƏTİ İLƏ SEÇİLƏN DİASPORA DA SUSQUNLUQ NÜMAYİŞ ETDİRDİ.
• RUSİYA İSTİNTAQ KOMİTƏSİNİN RƏHBƏRİ İRƏVANA GƏLDİ VƏ  MƏHKƏMƏNİN ERMƏNİSTANDA KEÇİRİLƏCƏYİNİ BİLDİRDİ.
• ƏSAS SİYASİ QÜVVƏ OLAN DAŞNAKSÜTUN PARTİYASI YANVARIN 20-DƏ 6 AYLIQ UŞAĞIN ÖLÜMÜNDƏN SONRA VERDİYİ BƏYANATDA İSTİNTAQIN ERMƏNİSTANDA KEÇİRİLMƏSİ İLƏ BAĞLI TƏLƏBLƏRİ DƏSTƏKLƏDİYİNİ BİLDİRDİ.
• DAŞNAKSÜTUNUN BƏYANATI DEMƏK OLAR Kİ, BİR ÇOX MƏSƏLƏLƏR AYDINLAŞDIQDAN SONRAYA TƏSADÜF ETDİ.

Hələlik baş verənlərin xronologiyasını burada tamamlamaq olar. Əslində bundan sonra qeyri-adi nəsə baş verəcəyi də gözlənilmir.

Və bütün bu deyilənlərdən hasil olan nəticələr.

• ERMƏNİİ CƏMİYYƏTİ NƏ BAŞ VERMƏSİNDƏN ASILI OLMAYARAQ RUSİYADAN ÜZ ÇEVİRMƏK FİKRİNDƏ DEYİL.
• RUSİYA ERMƏNİSTANA YUXARIDAN AŞAĞI BAXMAQDA DAVAM ETMƏKLƏ YANAŞI AZƏRBAYCANA QARŞI ÖZ FORPOSTUNU ƏLDƏN VERMƏK İSTƏMİR.
• ERMƏNİLƏRİN İNDİKİ DURUMU HƏM ÖZLƏRİ, HƏM DƏ AZƏRBAYCAN ÜÇÜN ARZU EDİLƏN DEYİL.

Əvvəla ona görə ki, Ermənistanın Rusiyanın forpostu olaraq qalması Azərbaycan torpaqlarının azad olunması prosesini ləngidir.

İkincisi, bu situasiya erməni xalqına fəlakətdən başqa heç nə vəd etmir. Bu gün Ermənistanı əlində saxlamaq istəyən Rusiyanın özü ayaq üstə zorla dayanır. Doğrudur, Rusiya dayanacaq. Amma Ermənistanı bu çətin zamanda əlindən salıb əzmək təhlükəsi həmişə olacaq. Məhz buna görə də Ermənistanın bir dövlət olaraq indiki durumunda erməni xalqının halına ancaq acımaq olar.

Doğrudur, Rusiyanın Ermənistana hərbi köməyi ilə yanaşı, ABŞ-ın diplomatik, Fransanın mənəvi dəstəyi də var. Amma dünya düzəninin indiki qeyri sabit zamanında belə dəstəyin nə dərəcədə effekti olacağı müəmmalıdır.

Yaranmış situasiya bir daha sübut etdi ki, Ermənistanda Qərbə arxalanan qüvvələr də Rusiya hegemonluğu qarşısında çox cılız görsənirlər. Və əslində heç görsənmirlər.

P.S. Ermənistanın hazırkı durumunun ağırlığını sübut edən başqa bir fakt. 2015-ci il başlayandan Ermənistan ordusu cəbhə xəttində 7 əsgər itirib. Ermənistan hərbi mənbələr yanvarın 20-də yaydığı məlumatda Azərbaycan Silahlı Qüvvələrinin bir gecədə 8 diversiya cəhdi göstərdiyini bildiriblər. Deyəsən, artıq ermənilər kabus görməyə başlayıblar. Özü də bir gecədə 8 kabus. Əslində bu informasiya ermənilərin halına acı gülüşdən başqa heç bir təəssürat yaratmır.