“Diplomatik proses yalnız hərbi əməliyyatların növbəti mərhələsindən sonra bərpa oluna bilər”
Ermənilər keçən ilin aprelində Azərbaycanın onlara verdiyi dərsi hələ unutmayıblar.
Bunu onların ekspertlərinin həyəcan dolu açıqlamalarından və qəzetlərə verdiyi müsahibələrdən görmək mümkündür.
Bunlardan biri də “Regional araşdırmalar mərkəzi”nin direktoru, politoloq Riçard Kirakosyandır.
Kirakosyan Azərbaycan-Ermənistan münaqişəsi ilə bağlı Ermənistan mətbuatına maraqlı açıqlamalar verib.
Musavat.com həmin müsahibə ilə bağlı yazını təqdim edir.
Kirakosyanın fikrincə, yaxın aylarda Azərbaycanın hücum etmək ehtimalı olduqca qüvvətlidir. Buna rəğmən erməni ekspert keçən ildəkindən fərqli olaraq Ermənistan ordusunun daha hazırlıqlı olduğunu iddia edib.
Erməni politoloqun rəyinə görə, real diplomatik proses də elə əməliyyatlardan sonra başlaya bilər.
Bu cəhətdən Kirakosyan Azərbaycan xarici işlər naziri Elmar Məmmədyarovun Azərbaycanın danışıqlara başlamağa hazır olduğu barədə verdiyi bəyanatında səmimi olmadığını düşündüyünü söyləyib.
Riçard Kirakosyan həm Azərbaycanın həm də Rusiyanın hələ də “Lavrov planı” ətrafında müzakirə aparılmasını istədiyini söyləyərək Rusiyanın Dağlıq Qarabağa sülhməramlı qüvvələr yeritmək niyyəti ilə regionda təhlükəli addımlar ata biləcəyini dilə gətirib.
Müxbirin Qarabağ ətrafında nə baş verdiyini və hansı prosesləri gördüyü barədə sualına politoloq belə cavab verib:
“Açıq danışmaq lazım gələrsə heç bir şey baş vermir və bu da çox təhlükəlidir. Diplomatiya dalana dirənib. Hətta problemə geopolitik maraq da yoxdur. Belə bir situasiyada Azərbaycanın yaxın aylarda yeni hərbi əməliyyatlara başlama ehtimalı real dinamik faktora çevrilir.
Azərbaycanın bunu etmək üçün səbəbləri çoxdur. Ən birincisi isə onun apreldə qazandığı uğurlar və müəyyən ərazini ərazini ələ keçirərək onu əlində saxlamaq qabiliyyətidir. İkincisi isə ölkə ictimaiyyətinin diqqətinin daxili problemlərdən yayındırılmasından ibarətdir.
Erməni politoloq bunun üçün Azərbaycanın artıq bir neçə ildən bəri “sabit eskalasiya (qızışdırma-red.)” taktikasını yürütdüyünü bilirib:
“…Azərbaycan artıq döyüş meydanın genişləndirib Ermənistan Respublikasının özünə hücum edir. Bu eskalasiya təkcə təmas xəttində həlak olanların sayının artmasında deyil, həm də ağır hücum silahlarının və sistemlərin tətbiq olunmasında özünü göstərir.
Xatırlamaq lazımdır ki, sülh rejimi artıq mövcud deyil. Aprel döyüşlərindən sonra isə yalnız atəş açmamaq haqqında şifahi razılıq əldə olunub. Bu isə olduqca təhlükəlidir. Açıq söyləsək beynəlxalq reaksiyanın necə reaksiya göstərəcəyi Azərbaycanın vecinə deyil, Beynəlxalq birliyin də Azərbaycana təsir rıçaqları yoxdur. Azərbaycanı çəkindirəcək ciddi mexanizmlər isə hələ ki görünmür və heç kim və heç nə Azərbaycanı növbəti hücumu həyata keçirməkdən saxlaya bilməz”.
Riçard Kirakosyan artıq danışıqların münaqişənin həlli yolları ətrafında getmədiyini qeyd edir:
“Mən tərəflərin danışıqlar aparmadığına əminəm. Nizamlama prosesində indi biz yalnız iki hədəf ətrafında diplomatik təmasları müşahidə edə bilərik:
Birincisi danışıqlar və görüşlərin davamiyyətinin qorunması, ikincisi isə geniş miqyaslı müharibənın qarşısını alınması.
Erməni politoloq yaxın aylarda münaqişənin nizamlanması üzrə müzakirələr prosesinin yenidən başlama perspektivinə də şübhə ilə yanaşdığını bildirib: “İndi azərbaycanlılar arasında sülh prosesinin onların gözləntilərini doğrultmaması ilə bağlı dərin məyusluq mövcuddur. Biz onların olduqca təhlükəli tərzdə-yəni hərbi planda üzə çıxacaq əsəbini çox yaxşı anlamalıyıq. Ümumiyyətlə isə diplomatik proses yalnız hərbi əməliyyatların növbəti mərhələsində mümkün ola biləcək”.
“Belə çıxır ki, biz istənilən halda hərbi əməliyyatların növbəti mərhələsini gözləməliyik”-müxbirin verdiyi suala Kirakosyan:
“Mən deyərdim ki, hava, topoqrafik, hərbi-diplomatik təqvim şərləri baxımından müharibə üçün ən real tarix aprel ayıdır.
Ekspertin rəyinə görə, Ermənistanın burada əsas üstünlüyü onun müdafiə taktikasına əsaslanmasındadır. O, erməni ordusunun preventiv zərbələr endirə biləcəyi ehtimalının az olduğunu söyləyib.
Son şərhlər