Rusiya Federasiyası Prezidentinin mətbuat katibi Dmitri Peskov bildirib ki, Ukrayna münaqişəsinin sülh yolu ilə həlli üçün hələlik heç bir ilkin şərt yoxdur.
Elchi.az “TASS”-a istinadən xəbər verir ki, Peskov, “Ukraynadakı münaqişənin sülh yolu ilə həllindən danışmaq tezdir, bunun üçün hələlik ilkin şərtlər yoxdur”,-deyə bildirib.
Münaqişənin sülh yolu ilə həlli üçün müxtəlif tərəflərin təklif etdiyi planlardan hansının Rusiyaya daha yaxın olduğu və onun belə bir planla bağlı öz variantının olub-olmaması sualına cavab verən sözçü deyib: “Nə qədər ki, bu barədə danışmaq tezdir. Sülh yolu ilə həll üçün heç bir ilkin şərt yoxdur”. “Xüsusi hərbi əməliyyat davam edir”, – o əlavə edib.
Kremlin hazırkı Kiyev hakimiyyətinin nümayəndələrindən hər hansı biri ilə danışıqlara hazır olub-olmaması ilə bağlı suala cavab verən Peskov deyib: “Çətin ki, bunu müzakirə etmək mümkün deyil, çünki Ukraynada Rusiya Federasiyası ilə hər hansı danışıqlar qadağandır”.
Ukrayna prezidenti Vladimir Zelenski ötən ilin oktyabrında Milli Təhlükəsizlik və Müdafiə Şurasının Rusiya lideri Vladimir Putinlə danışıqların mümkünsüzlüyü barədə qərarını qüvvəyə mindirib.
Nuranə Məmmədova
