Rusiyalı siyasətçi Aleksey Puşkov özünün “Telegram” kanalında yazıb ki, Fransa prezidenti Emmanuel Makronun hərəkətləri Rusiya ilə NATO arasında birbaşa hərbi münaqişəyə səbəb ola bilər.
Elchi.az Vesti.ru-ya istinadən bildirir ki, rusiyalı siyasətçinin şərhi Makronun AMX-10RC BMP-ni Kiyevə təhvil vermək qərarına yönəlib.
Döyüş maşınları öz-özlüyündə hərbi əməliyyatların gedişatını dəyişməyəcək, lakin bu addım Ukraynaya digər hücum silahlarının tədarükü üçün proloq ola bilər. Puşkov hesab edir ki, bu, artıq NATO-nun Rusiya Federasiyasına qarşı hərbi əməliyyata cəlb olunması ilə nəticələnir.
Bundan əlavə, Makronun qərarı Avropa ölkələrinin ən yüksək siyasi dairələrindəki əhval-ruhiyyə, onların rusfobiya və qəzəb dərəcəsi haqqında çox şey deyir.
Emmanuel Makron Zelenski ilə söhbətində daha əvvəl demişdi ki, Fransa Kiyevə zirehli texnika və ya AMX-10RC təkərli tanklar tədarük edəcək. Analoji qərar Ağ Evin təklifi ilə Almaniyada da qəbul edilib.
Yeganə
