Brent markalı neftin bir barelinin qiyməti 79,39 dollar təşkil edir

27

Beynəlxalq bazarlarda Brent markalı neftin bir bareli 79,39 dollara satılır.
Dünən 79,96 dollara kimi bahalaşan Brent markalı neftin barrel qiyməti günü 78,69 dollarla tamamlayıb.
Elchi.az xəbər verir ki, brent markalı neftin bir barelinin qiyməti bu gün saat 09:58-də bağlanış tarixi ilə müqayisədə 0,89 faiz artaraq 79,39 dollar olub. Eyni zamanda, West Texas Intermediate (WTI) xam neftinin bir bareli 74,40 dollardan alıcı tapıb.
Dünyanın ən böyük xam neft istehlakçıları olan ABŞ və Çində tələbin müsbət proqnozu qiymətlərin qalxmasında mühüm rol oynayıb.
Çində yeni növ koronavirus (COVID-19) epidemiyasına qarşı tədbirlər götürüldükcə iqtisadi fəallığın sürətləndiriləcəyi ilə bağlı proqnozlar tələbin proqnozunu dəstəkləyir.
COVID-19 hadisələrinin artmasına baxmayaraq, Çin hökumətinin iqtisadiyyatı dəstəkləyəcəyi ilə bağlı gözləntilər güclənərkən, hökumətin çətin vəziyyətdə olan bəzi tikinti şirkətlərinə kömək edəcəyi xəbəri bazarlarda müsbət qarşılanaraq neftin qiymətinin qalxmasına dəstək verdi.
ABŞ Enerji İnformasiya İdarəsi ölkədəki kommersiya xam neft ehtiyatlarının keçən həftə təxminən 1 milyon 700 min barrel artdığını açıqladı. Bazar gözləntisi, ehtiyatların təxminən 3 milyon 300 min barel artacağı idi.
Benzin ehtiyatlarında təxminən 300 min barel azalma qeydə alınıb ki, bu da ölkədə istehlak tələbinin mühüm göstəricisidir.
ABŞ-ın xam neft ehtiyatlarının artmasına baxmayaraq, benzin ehtiyatlarının azalması tələbin yüksək olduğu təsəvvürünü yaradaraq qiymət artımını dəstəklədi.
Bildirilir ki, texniki olaraq Brent markalı neftin 79,48-79,89 dollar diapazonu müqavimət kimi, 79,07-78,66 dollar diapazonu isə dəstək zonası kimi izlənilə bilər.

Şayəstə