BMT İranı etiraz aksiyaları zamanı saxlanılanları azad etməyə çağırıb

37
FILE - In this photo taken by an individual not employed by the Associated Press and obtained by the AP outside Iran, Iranians protest the death of Mahsa Amini after she was detained by the morality police, in Tehran, Saturday, Oct. 1, 2022. As protests rage at home, Iran's theocratic government is increasingly flexing its military muscle abroad. That includes supplying drones to Russia that now kill Ukrainian civilians, running drills in a border region with Azerbaijan and bombing Kurdish positions in Iraq. (AP Photo/Middle East Images, File)

BMT-nin İnsan Haqları üzrə Ali Komissarı Volker Türk İran hakimiyyətini ölkədəki bütün məhbusların hüquqlarını, o cümlədən dinc toplaşmaq hüququnu tanıyaraq azad etməyə çağırıb.

O qeyd edib ki, İnsan Hüquqları üzrə Ali Komissarlıq (BMTİHAK) İran hakimiyyətinə mümkün qədər tez ölüm hökmünə moratorium tətbiq etməyi və beynəlxalq hüquqda “ağır” kimi təsnif edilməyən cinayətlərə görə edamın ləğvini tövsiyə edib.

“İranda həftəsonu iki uşağın ölümü də daxil olmaqla etiraz aksiyaları qurbanlarının sayının artması və təhlükəsizlik qüvvələrinin reaksiyasının sərtləşdirilməsi ölkədəki kritik vəziyyətin göstəricisidir”, – deyə BMT-nin Ali Komissarı bildirib.

BMTİHAK-ın məlumatına görə, İranda keçirilən etirazlar zamanı 300-dən çox adam, o cümlədən 40-dan çox uşaq öldürülüb, həmçinin azı altı nəfər edam cəzasına məhkum edilib.

Xatırladaq ki, sentyabrın ortalarında 22 yaşlı Məhsa Əmininin ölümü ilə başlayan genişmiqyaslı etiraz aksiyaları hələ də davam edir.