ABŞ prezidenti Co Bayden Türkiyə prezidenti Rəcəb Tayyib Ərdoğanı ABŞ-a səfərə dəvət edə bilər.
Elchi.az Trthaber.com-a istinadən xəbər verir ki, bu barədə Türkiyənin “Hürriyet” qəzeti yazıb.
“Türkiyə-Amerika münasibətlərində böhran çatışmazlığı yoxdur. Türkiyə Finlandiya və İsveçin NATO-ya üzvlüyünü təsdiqlədikdən sonra Türkiyə-Amerika münasibətlərindəki ab-hava dəyişdi. İş o yerə çatıb ki, biz F-16-nın Türkiyəyə satışının təsdiq edilib-edilməyəcəyindən danışarkən ABŞ bizim F-35 layihəsinə qayıtmağımız məsələsini gündəmə gətirdi”, – deyə nəşr yazır.
Qəzet qeyd edir ki, ABŞ öz xoş niyyəti ilə irəli gedərsə və təklif irəli sürərsə, yeni vəziyyət yaranacaq.
“Ankara bu vəziyyəti gözardı edə bilməz. Türkiyə ilə ABŞ arasında münasibətlərin gedişatında diqqətdən kənarda qalmayan bir məqam var. NATO-nun genişlənməsi prezident Bayden üçün qırmızı bayraq idi. Biz dəstək verdik, amma bu, təmənnasız dəstək olmadı. Məsələnin digər tərəfində isə ABŞ-ın Yaxın Şərqdə Türkiyəyə ehtiyacı var. Bayden seçkiyə gedən yolda qoşunların İraq və Suriyadan çıxarılmasını müzakirə edir. Bu vəziyyətdə ABŞ-ın Türkiyəyə ehtiyacı var. Əslində bu vəziyyət bizim ABŞ-dakı ehtiyacımızdan da böyükdür. Prezident Baydenin prezident Ərdoğanı ABŞ-a səfərə dəvət etməsi Türkiyə-ABŞ münasibətlərində yaz havasının müjdəçisi olacaqmı? Niyə də olmasın?”, – nəşr yazır.
Yeganə