Bayden BU qanun layihəsinə VETO qoyacaq

39

ABŞ prezidenti Co Baydenin Strateji Neft Ehtiyatı üzərində səlahiyyətlərini məhdudlaşdıran qanun layihəsinə veto qoyacağı bildirilir.

Elchi.az bildirir ki, Ağ Evdən verilən açıqlamada, Baydenin ona təqdim ediləcəyi təqdirdə ABŞ-ın Strateji Neft Ehtiyatından neft satma səlahiyyətini məhdudlaşdıran qanun layihəsinə veto qoyacağı bildirilib.

Ağ Evin sözçüsü Karine Jean-Pierre mətbuata açıqlamasında qanun layihəsinin respublikaçıların ekstremist siyasətlərinin bir hissəsi olduğunu deyib. O, qanun layihəsinin işləyən ailələri maliyyə çətinliyi ilə üz-üzə qoyacağını, yalnız varlı vergi ödəyicilərinə və böyük korporasiyalara fayda gətirəcəyini və ABŞ-ın maliyyə kəsirini daraldacağını bildirib.

Rusiya-Ukrayna müharibəsinə toxunan Jean-Pierre, qanun layihəsinin ABŞ-ın enerji təhlükəsizliyini daha da təhlükə altına alacağını və enerji çatışmazlığına səbəb olacağını bildirərək, əlavə etdi ki, qanun layihəsi ölkənin neft hasil etmək qabiliyyətinə mane olur.

ABŞ-ın energetika naziri Cennifer Qranholm bildirib ki, qanun prezidentin fövqəladə hallara cavab verməsi üçün lazım olan səlahiyyətləri məhdudlaşdıracaq.

Qranholm “Demokratik və ya Respublikaçı bir prezidentin vəzifədə olub-olmaması məni maraqlandırmır, niyə ölkənin fövqəladə hallara cavab vermək qabiliyyətinə və bu fövqəladə hallar nəticəsində xərcləri azaltmaq qabiliyyətimizə mane olursunuz?”,-deyə vurğulayıb.

Senatın bu vəziyyətin əhəmiyyətini bilərək hərəkət etməsi lazım olduğunu ifadə edən Qranholm, Baydenin Rusiya-Ukrayna müharibəsi səbəbiylə artan qaz qiymətlərini azaltmaq üçün ABŞ-ın Strateji Neft Ehtiyatından istifadə etdikdən sonra onu yenidən doldura biləcəyinə inandığını da dedi.

Xatırladaq ki, Bayden Rusiyanın Ukraynada başladığı müharibədən sonra ABŞ-da benzin qiymətlərinin sürətlə artması fonunda 2022-ci ilin martında ölkənin strateji neft ehtiyatlarından 180 milyon bareldən çox neftin buraxılmasına icazə verib.

Yeganə