Ankarada keçirilən əməliyyat zamanı məhv edilən iki İŞİD terrorçusu ilə bağlı yeni məlumat yayılıb. Türkiyə mətbuatı xəbər verir ki, Azəraycan vətəndaşının ifadəsi əsasında aparılan araşdırma zamanı terrorçuların xarici ölkə vətəndaşı olduğu üzə çıxıb.
Vaxtında həyata keçirilən əməliyyatla dəhşətli terror planının qarşısını alınıb.
Qeyd edək ki, Türkiyənin paytaxtı Ankarada anti-terror əməliyyatı keçirilib. Əməliyyat zamanı Ankarada terror aktı planlaşdıran 2 İŞİD-çi zərərsizləşdirilib.
Ankara valisi Ercan Topaca əməliyyatın İstanbulda saxlanılan Azərbaycan əsilli İŞİD terrorçusunun ifadəsi əsasında həyata keçirildiyini deyib: “İstanbulda təqib edilən Azərbaycan əsilli şəxsin İŞİD üzvü olduğu üzə çıxıb. Onun avtomobil kirayələyərək Ankaraya 2 nəfər gətirdiyi şübhə yaradıb. Həmin şəxs saxlanılarkən İŞİD-çi olduğunu, iki nəfəri terrora aktı törətmək üçün Ankaraya gətirdiyini etiraf edib. Onun ifadəsindən sonra Ankarada əməliyyat keçirildi, hər iki terrorçu öldürüldü”.
Son şərhlər