Avstraliya hökuməti Ukraynaya 73,4 milyon dollar məbləğində daha bir maliyyə yardımı paketi təqdim edəcək.Bazar ertəsi baş nazir “Anthony Albanese” bildirib ki, bu vəsait hərbi maşın və sursatların alınmasına sərf olunacaq.
Elchi.az TASSA-a istinadən xəbər verir ki, Avstraliya Baş nazirinin bəyanatı bazar ertəsi hökumət ofisi tərəfindən yayılıb.
“Albanese” görə, Ukraynaya hərbi yardım göstərmək üçün Avstraliya hakimiyyəti öz beynəlxalq tərəfdaşlarına “110 milyon Avstraliya dolları göndərəcək. “Ukrayna Avstraliyaya arxalana bilər, biz bu ölkəni dəstəkləməyə davam edəcəyik ki, onun suverenliyi və ərazi bütövlüyü zəfər çalsın”,-deyən “Albanese”, Kanberra tərəfindən ayrılan vəsaitin Ukrayna Silahlı Qüvvələrinin ehtiyac duyduğu vəsaitin alınması üçün istifadə olunacağını da qeyd edib.
“Albanese” əlavə edib ki, yeni paketi nəzərə alaraq, Kanberradan Kiyevə maliyyə yardımının həcmi 790 milyon Avstraliya dollarına (527,7 milyon dollar) qədər artacaq ki, bunun da 610 milyon Avstraliya dollarından çoxu (407,5 milyon dollar) silahların alınmasına yönəlib.
2022-ci ilin mart ayından Avstraliya Ukraynaya 90 “Bushmaster” zirehli transportyoru, 6 M777 “Haubitsa”, 28 M113 zirehli maşın, tank əleyhinə və digər silahlar göndərib, həmçinin Kiyevə pilotsuz uçuş aparatlarının partiyasını tədarük edəcəyini vəd edib. Bundan əlavə, bildirilir ki, Avstraliya hakimiyyəti Avstraliya Hərbi Hava Qüvvələrinin istismardan çıxarılan 41 F-18 “Hornet” qırıcısının Kiyevə təhvil verilməsi imkanını müzakirə edir.
Nuranə Məmmədova
Son şərhlər