Avropa Komissiyası Ukraynaya əlavə olaraq 100 milyon avro humanitar yardım ayırıb. Elchi.az TASS-a istinadən xəbər verir ki, bunu Brüsseldə keçirilən brifinqdə AK nümayəndəsi Balazs Ujvari deyib.
“Ukraynalı qaçqınların həyat şəraitinin yaxşılaşdırılması üçün” Moldovaya 10 milyon avro yardım ayrılıb.
Ujvari qeyd edib ki, münaqişə başlayandan bəri Aİ-dən Ukraynaya humanitar yardımın ümumi həcmi 843 milyon avroya çatıb.
Bundan əvvəl Avropa İttifaqının xarici siyasət xidmətinin rəhbəri Xosep Borrel Avropa İttifaqından Ukraynaya hərbi yardımın ümumi dəyərinin 27 milyard avroya çatdığını bildirib. O qeyd edib ki, bu, Avropa İttifaqı tarixində rekord göstəricidir.
Havar Şəfiyeva
