Yeni bir araşdırma xərçəng hüceyrələrinin immunitet sistemi tərəfindən aşkarlanmaqdan necə qaçdığını ortaya qoyur.
Elchi.az xəbər verir ki,Sinqapur Milli Xərçəng Mərkəzinin rəhbərlik etdiyi bir araşdırma qrupu, xərçəng hüceyrələrinin immunitet sistemi tərəfindən aşkarlanmasından qaçaraq, necə inkişaf etdiyini və daha asan yayıldığını araşdırıb.
Tədqiqat qrupu, başqa bir yerdə müəyyən bir toxumada şiş hüceyrələrinin böyüməsi kimi tanınan metastazın erkən mərhələlərini tədqiq edib.
14 xəstənin şiş profilinin təhlili nəticəsində immun sistemində xərçəng hüceyrələri kimi anormal hüceyrələri axtaran CD8+ hüceyrələrinin əhəmiyyətli bir hissəsinin “tükəndiyi” və ya qoruyucu funksiyasını yerinə yetirə bilmədiyi müəyyən edilib.
Tədqiqatçıların dediyinə görə, bu, immunitet hüceyrələri dəfələrlə xərçəng hüceyrələrinə məruz qaldıqda baş verir.
Tədqiqatın baş müəllifi Prof İyer,”Xərçəng immunitet hüceyrələrini həddindən artıq işləməyə və yorğunluğa məcbur edir, bu da onların normal funksiyalarını yerinə yetirə bilməməsinə səbəb olur” ifadəsini işlədib.
Tədqiqat çərçivəsində xərçəng hüceyrələrinin CD8+ hüceyrələri ilə qarşılıqlı əlaqəsini təmin edən “Midkine reseptor” adlı yeni bir yol kəşf edilib. Bu şəkildə xərçəng hüceyrələrinin immun hüceyrələrinə təsirli şəkildə “məni yemə” siqnalları göndərdiyi ortaya çıxır.
Bu ünsiyyət yolunun söndürülə biləcəyini və siqnalın tərsinə çevrilə biləcəyini qeyd edən İyer, “Araşdırmalarımız xərçəngin effektiv müalicəsinin birdən çox yolunun olduğunu göstərir. Biz xərçəng hüceyrələrini, immun sistemini hədəfə ala bilərik və ya mövcud müalicə üsullarından istifadə edərək, xərçəngə qarşı mübarizə apara bilərik” dedi.
Nuranə Məmmədova
Son şərhlər