Parlamentar hesab edir ki, ABŞ-dakı böhran Vaşinqtonun diqqəti daxili problemlərdən Ukraynaya yönəltməsi ilə bağlıdır.
Elchi.az xəbər verir ki, Dövlət Dumasının maliyyə bazarları üzrə komitəsinin rəhbəri Anatoli Aksakov hesab edir ki, Federal Ehtiyat Sistemi (FRS) orqanları müflis olan bankları xilas etmək üçün addımlar atmasa, Birləşmiş Ştatlar Böyük Depressiya ilə müqayisə oluna biləcək maliyyə böhranı ilə üzləşə bilər.
“Əgər Federal Ehtiyat Sistemi indi bu bankları xilas etmək üçün sərt addımlar atmasa, o zaman Böyük Depressiya dövrləri ilə müqayisə oluna biləcək və bəlkə də daha ciddi qlobal böhran başlayacaq”, – deputat RİA Novosti-yə müsahibəsində bildirib.
Parlamentarinin sözlərinə görə, FED vəziyyəti nəzarətə götürmək və maliyyə köpüyünün genişmiqyaslı iqtisadi böhrana çevrilməsinin qarşısını almaq üçün dollar çapına başlayacaq. O hesab edir ki, bu tədbirlər mütləq baş verəcək gələcək partlayış hesabına həyata keçiriləcək.
Aksakovun sözlərinə görə, ABŞ-dakı böhran Vaşinqtonun diqqətini daxili problemlərdən Avropa və Ukraynaya yönəltməsi ilə bağlıdır. Deputat qeyd edib ki, təminatsız pul və ya məhsuldar əmtəə olmayan silahla təmin olunan vəsaitlər Kiyevə göndərilməyə başlanıb.
Şayəstə
