Avropa İttifaqı Ukraynaya sursat tədarükü planını yerinə yetirməmək riski ilə üzləşir, çünki hazırda bu təşəbbüs öz hədəfinin yalnız 30%-nə nail olub.
Elchi.az xəbər verir ki, bir neçə Aİ dövləti blokun xarici siyasət departamentindən çatdırılma müddətlərini uzatmağı xahiş edib.
“Aİ ilk növbədə mövcud ehtiyatlardan istifadə etməklə, sonra birgə satınalma müqavilələri və hasilatı artırmaqla Kiyevi il boyu sursatla təmin etməyi öhdəsinə götürüb. Bu müddətin yarısından çoxu keçib, lakin planın cəmi 30%-i tamamlanıb ki, bu da məqsədə nail olunmaya bilər. Avropa İttifaqına daxil olan bir sıra dövlətlər blokun xarici siyasət departamenti ilə özəl olaraq əlaqə saxlayıb, çatdırılma müddətinin uzadılması xahişi ilə müraciət ediblər.”
Nuranə Məmmədova
