Venesuela 8-i ABŞ vətəndaşı olmaqla 21 nəfəri azad edib.
Elchi.az xəbər verir ki, milli mətbuatda yer alan xəbərə görə, ABŞ və Venesuela rəhbərliyi arasında əldə olunan məhbus mübadiləsi razılaşmasına əsasən, Venesuela 8-i ABŞ vətəndaşı olan 21 nəfəri azad edib.
Qeyd olunub ki, azad edilənlər arasında Venesuela prezidenti Nikolas Maduronun hökumətinə qarşı “uğursuz çevriliş cəhdi”ni həyata keçirməkdə ittiham olunan və 20 il müddətinə azadlıqdan məhrum edilən ABŞ vətəndaşları Luke Alexander Denman və Airan Berry də var.
Venesuela müxalifəti həbsxanalarda 290 siyasi məhbus olduğunu iddia edir.
ABŞ və Venesuela arasında əldə olunan razılaşmaya əsasən, dünən 10 ABŞ vətəndaşı və Venesuelalı iş adamı Aleks Saab azad edilib. Maduro Saab və ailəsini Miraflores Prezident sarayında qonaq edib.
Nuranə Məmmədova