Son 10 ildə UEFA Çempionlar Liqasında iştirak edən klublar arasında heyətinin ümumi dəyəri ən aşağı olan komandaların siyahısı açıqlanıb.
Elchi.az Publika.az-a istinadən xəbər verir ki, siyahıda Azərbaycanın iki təmsilçisi yer alıb.
“Qarabağ” 2017/18 mövsümündə Çempionlar Liqasının qrup mərhələsində debüt edərkən komandanın heyətinin ümumi dəyəri 17.3 milyon avro olub. Ağdam təmsilçisi bu göstərici ilə dördüncü pillədə qərarlaşıb. Cari mövsümdə tarixində ilk dəfə turnirin liqa mərhələsində mübarizə aparan “Sabah” isə 19 milyon avroluq heyət dəyəri ilə beşinci sırada yer alıb.
Siyahıya 2021/22 mövsümündə 12.3 milyon avroluq heyətlə Moldova “Şerif”i başçılıq edir. Qazaxıstanın “Kayrat”ı 12.8 milyon avro ilə ikinci, Sloveniyanın “Maribor”u isə 13.9 milyon avro ilə üçüncü sıradadır.
İlk 10-luq belədir:
1. “Şerif” (Moldova, 2021/22) – 12.3 milyon avro;
2. “Kayrat” (Qazaxıstan, 2025/26) – 12.8 milyon avro;
3. “Maribor” (Sloveniya, 2017/18) – 13.9 milyon avro;
4. “Qarabağ” (Azərbaycan, 2017/18) – 17.3 milyon avro;
5. “Sabah” (Azərbaycan, 2026/27) – 19 milyon avro;
6. “Nikosia” (Kipr, 2017/18) – 19.3 milyon avro;
7. “Makkabi Hayfa” (İsrail, 2022/23) – 20.3 milyon avro;
8. “Slovan” (Bratislava, Slovakiya, 2024/25) – 20.9 milyon avro;
9. “Pafos” (Kipr, 2025/26) – 22.7 milyon avro;
10. “Ferentsvaroş” (Macarıstan, 2020/21) – 24.7 milyon avro.
