Putin Rusiya-Çin münasibətlərinin inkişafını müzakirə edir
Elchi.az xəbər verir ki, Rusiya Prezidenti Vladimir Putin 8-ci Rusiya-Çin Enerji Biznes Forumunun iştirakçılarına, təşkilatçılarına və qonaqlarına təbrik mesajında Rusiya Federasiyası ilə Çin Xalq Respublikası (ÇXR) arasında münasibətlərin yüksələn xətt üzrə inkişaf etməyə davam etdiyini bildirib. Onun sözləri Kremlin veb saytında dərc olunmuş teleqramda yer alıb.
Bəyanatda deyilir: “Rusiya Federasiyası ilə ÇXR arasında hərtərəfli tərəfdaşlıq və strateji qarşılıqlı əlaqə münasibətləri yüksələn xətt üzrə inkişaf etməyə davam edir”.
Dövlət başçısı həmçinin qeyd edib ki, enerji sektoru ənənəvi olaraq iki xalq arasında iqtisadi əməkdaşlığın ən əhəmiyyətli və dinamik sahələrindən biri olub.
Putin əlavə olaraq bildirib ki, Rusiya Çinə neft və qaz tədarükünün həcmində birinci yerdədir.
Rusiya lideri həmçinin vurğulayıb ki, Rusiya və Çin karbohidrogenlərin çıxarılması, emalı və daşınması proseslərinin səmərəliliyini və ekoloji təhlükəsizliyini artırmağa yönəlmiş texnoloji yenilikləri birgə inkişaf etdirirlər.
Şayəstə
