Çərşənbə axşamından etibarən Fransa və Böyük Britaniyada anomal dərəcədə yüksək temperaturlar müşahid olunacaq.
Elchi.az xəbər verir ki, bu barədə bazar ertəsi “Associated Press” agentliyi Fransanın “Météo-France” hava xidmətinə istinadən məlumat yayıb.
“Météo-France” qeyd edir ki, ekstremal isti havalar Fransanın cənub-şərq regionlarında hökm sürəcək. Termometrin sütununun 40 dərəcə Selsiyə qədər qalxacağı gözlənilir.
Bununla yanaşı, “The Guardian” nəşri Böyük Britaniyanın Səhiyyə Təhlükəsizliyi Agentliyinə (UKHSA) istinadən xəbər verir ki, Birləşmiş Krallıqda hava temperaturu 36 dərəcə Selsiyə çata bilər və bununla əlaqədar ölkənin əksər regionlarında yüksək səviyyəli hava təhlükəsi elan edilib. Yüksək temperaturların çərşənbə axşamından cümə gününə qədər davam edəcəyi gözlənilir.
İyul ayında Avropada həddindən artıq isti havalar müşahid olunmuşdu. Bir sıra ölkələrdə hava temperaturu 40 dərəcə Selsiyə çatmış, bəzi yerlərdə isə bu həddi keçmişdi. Şərqi Avropanın bir sıra ölkələrində ən yüksək səviyyəli hava təhlükəsi elan olunmuşdu, Qərbi Avropa, xüsusilə də İspaniya, Fransa və Yunanıstan isə miqyaslı meşə yanğınlarından və şiddətli quraqlıqdan əziyyət çəkmişdi.
Məryəm
