ABŞ-da 18.000-dən çox insana yoluxan və ağır ishala səbəb olan “siklosporiaz” epidemiyası səbəbindən Miçiqanda iki nəfər ölüb.
Elchi.az xəbər verir ki, Miçiqan Səhiyyə və İnsan Xidmətləri Departamentinin açıqlamasına görə, ştatda “siklosporiaz”a yoluxanların sayı 11.234-ə çatıb.
30 iyuldan bəri ştatda bu parazitar bağırsaq xəstəliyi səbəbindən 193 nəfər xəstəxanaya yerləşdirilib.
Epidemiya nəticəsində digər ciddi sağlamlıq problemləri olan iki nəfər də ölüb.
Ştat hakimiyyəti epidemiya ilə bağlı araşdırmalarını davam etdirsə də, mənbənin kahı və ya göyərti ola biləcəyi düşünülür.
Miçiqanda bu iki ölüm, ABŞ-da çirklənmiş qidadan qaynaqlanan və ağır ishala səbəb olan epidemiya zamanı qeydə alınan ilk ölüm hallarıdır. ABŞ Xəstəliklərə Nəzarət və Profilaktika Mərkəzləri (CDC) 30 iyulda ölkədə 45 ştatda “siklosporiaz” hallarının sayının 18.000-i keçdiyini açıqladı.
Şayəstə
