“Təhlükəsizlik Şurasının daimi üzvləri arasında birliyin olmaması səbəbindən Birləşmiş Millətlər Təşkilatının (BMT) potensialı zəifləyib”.
Elchi.az xəbər verir ki, bu fikirləri Rusiya Diplomatları Assosiasiyasının sədr müavini və Ali İqtisadiyyat Məktəbinin (HSE) professoru Andrey Baklanov bu barədə “Vesti” xəbər xidmətinə müsahibəsində bildirib.
Gərginləşən münaqişələr fonunda BMT-nin fəaliyyətsizliyi məsələsinə toxunan Baklanov qeyd edib ki, təşkilat öz üzərinə düşən funksiyanı yerinə yetirə bilmir
“Potensial müəyyən dərəcədə məhduddur və daimi üzvlər arasında yekdil fikir yoxdur. Məhz bu məsələ Birləşmiş Millətlər Təşkilatının əvvəldən üzləşdiyi problem idi. Regional oyunçulara gəldikdə isə — biz səfirlərlə vaxtaşırı görüşürük — onlar getdikcə daha çox öz regional səylərinə və daha balanslı regional qarşılıqlı nəzarət və tarazlıq sisteminin qurulmasına ümid bağlamağa meyllidirlər. Biz onlara bu işdə kömək edəcəyik”,— deyə Baklanov bildirib.
Daha əvvəl Rusiya Xarici İşlər Nazirliyinin xüsusi tapşırıqlar üzrə səfiri Rodion Miroşnik bəyan etmişdi ki, BMT-nin İnsan Hüquqları üzrə Ali Komissarı Volker Türk Ukrayna Silahlı Qüvvələrinin Starobelskdəki kollecə endirdiyi zərbə ilə bağlı kinayəli mövqe sərgiləyir. Rusiya diplomatı qeyd edib ki, Türk yalnız Rusiyanın Ukraynanın hərbi hədəflərinə qarşı endirdiyi cavab zərbəsi ilə maraqlanır.
Yeganə
