ABŞ Hərbi Nazirliyi “L3Harris” və “Lockheed Martin” şirkətləri ilə “THAAD” və “Patriot PAC-3 MSE” komplekslərinin komponentlərinin istehsal həcminin artırılmasına dair çərçivə sazişləri imzalayıb.
Elchi.az xəbər verir ki, bu barədə Pentaqonun mətbuat xidməti məlumat verib.
Məlumatda dəqiqləşdirildiyi kimi, “L3Harris” ilə “Patriot PAC-3 MSE” zenit-raket kompleksinin tutucu raketlərinin mühərriklərinin və döyüş başlığının buraxılışını sürətləndirməyə yönəlmiş razılaşma əldə olunub. Bundan əlavə, “L3Harris” və “Lockheed Martin” şirkətləri ilə “THAAD” kompleksinin mühərriklərinin və idarəetmə sistemlərindən birinin istehsal miqyasının genişləndirilməsi haqqında saziş imzalanıb. “THAAD” HHM sistemi ballistik raketlərin döyüş başlıqlarını uçuş trayektoriyasının orta hissəsinin son mərhələsində və hədəfə yaxınlaşarkən ələ keçirmək üçün nəzərdə tutulub. O, ABŞ qoşunlarının, onların müttəfiqlərinin, həmçinin şəhərlərin və mühüm obyektlərin həm qısamənzilli, həm də strateji ballistik raketlərdən müdafiəsini təmin etmək üçün istifadə olunur.
Məryəm
