ABŞ Prezidenti Donald Tramp İranın razılıq əldə etməkdə maraqlı olduğunu, lakin bunun üçün hazırkı məqamı uyğun hesab etmədiyini bildirib.
Elchi.az xəbər verir ki, Tramp bu barədə jurnalistlərə açıqlamasında danışıb.
“İran razılıq əldə etmək istəyir. Düşünürəm ki, indi bunun üçün uyğun vaxt deyil, amma onları dinləməyə hazıram”, – deyə ABŞ prezidenti bildirib.
Tramp həmçinin İranın pilotsuz uçuş aparatlarının sayının xeyli azaldığını iddia edib.
“İranın çox az sayda pilotsuz uçuş aparatı qalıb. Onlar vaxtaşırı nəsə buraxırlar, amma artıq çox az sayda PUA-ları var”, – deyə o əlavə edib.
