Çinin cənubundakı bir fermadan təxminən 900 ilan qaçdı. Tayfun və sonrakı daşqınlar səbəbindən bəndin uçması nəticəsində su altında qalıb. Ölümcül kobralar da daxil olmaqla yüzlərlə ilan fövqəladə vəziyyət elan edilən Dengwei kəndinə yayılıb.
Elchi.az xəbər verir ki, Global Times qəzetinin məlumatına görə, Guangxi əyalətində Liulan bəndi şiddətli tayfunun yaratdığı daşqın səbəbindən çöküb.
Bəndin sularının təsir etdiyi ərazidəki ilan yetişdirmə fermasının istinad divarları və çəpərləri dağılıb və təxminən 900 ilan qaçıb.
Ölümcül kobralar da daxil olmaqla yüzlərlə ilan fövqəladə vəziyyət elan edilən Dengwei kəndinə yayılıb.
İlanların basqını olan Dengwei kəndində geniş panika yaranıb və yüzlərlə ilanın su basmış küçələrdə üzdüyü və evlərin pəncərələrinə dırmaşmağa çalışdığı görülüb.
Beldən yuxarı suda qalan kəndlilər bambuk çubuqları ilə ilanlardan qorunmaq üçün mübarizə aparıblar. Zəhər əleyhinə dərman ehtiyatları artdı, təcili yardım qrupları göndərildi
Hadisədən sonra əyalət səviyyəsində xəbərdarlıq verildi və bölgəyə çoxsaylı axtarış-xilasetmə və təcili yardım qrupları göndərildi.
Quançjou Fövqəladə Halların İdarə Edilməsi Bürosu xüsusi qoruyucu geyimli qrupların həm sürünənləri tutmaq, həm də daşqın qurbanlarını təxliyə etmək üçün əməliyyatlar apardığını açıqladı. Səlahiyyətlilər bölgədə zəhər əleyhinə dərman ehtiyatlarının artırıldığını və yerli xəstəxanalarda mümkün kobra sancmaları üçün xüsusi sürətli cavab xətlərinin yaradıldığını açıqladılar.
İndiyə qədər bir kənd sakininin ilan sancması səbəbindən xəstəxanaya yerləşdirildiyi bildirilib.
Çinin cənubunu təsir edən Maysak tayfununun yaratdığı şiddətli daşqın nəticəsində indiyə qədər 39 nəfərin öldüyü bildirilib.
Şayəstə
