Avropa Aviasiya Təhlükəsizliyi Agentliyi (EASA) Yaxın Şərqdə davam edən gərginlik və gələcək hərbi əməliyyatların potensial ehtimalı fonunda aviaşirkətlərə İran, İraq və Livanın hava məkanıda uçuşlar həyata keçirməməyi tövsiyə edir.
Elchi.az xəbər verir ki, bu barədə “The Times of Israel” EASA-ya istinadən məlumat yayıb.
Bu tövsiyə avqustun 31-dək qüvvədədir.
Agentlik aviaşirkətlərə Bəhreyn, Küveyt, İsrail, İordaniya, Qətər, Oman, BƏƏ və Səudiyyə Ərəbistanının hava məkanında uçuşlar zamanı ehtiyatlı olmağa dair çağırışın yer aldığı əvvəlki bülleteni geri çəkdiyini bildirib. EASA-nın bu ölkələrlə bağlı yeni tövsiyə xarakterli bülleten yayımlayıb-yayımlamayacağı hələ ki məlum deyil.
