Qlobal fond bazarlarında son ticarət sessiyası qarışıq dinamika ilə yadda qalıb.
Elchi.az xəbər verir ki, ABŞ-da Dow Jones indeksi 148,01 bənd və ya 0,29% artaraq 51 712,71 bəndə yüksəlib. Bununla yanaşı, S&P 500 indeksi 0,37% azalaraq 7 472,79 bəndə, Nasdaq Composite isə 1,32% geriləyərək 26 166,60 bəndə düşüb. NYSE Composite 0,41%, Kanadanın S&P/TSX Composite indeksi isə 0,42% artım nümayiş etdirib.
Avropada əsas indekslərdə müsbət dinamika üstün olub. FTSE 100 0,72%, Almaniyanın DAX indeksi 0,62%, Euro Stoxx 50 isə 0,29% yüksəlib. İspaniyanın IBEX 35 indeksi 1,01% artdığı halda, Fransanın CAC 40 indeksi 0,25% azalıb.
Asiya-Sakit Okean regionunda isə satış təzyiqi güclənib. Yaponiyanın Nikkei 225 indeksi 1,57%, TOPIX 1,33%, Honq-Konqun Hang Seng indeksi 1,31%, Çinin CSI 300 indeksi isə 1,53% geriləyib. Avstraliyanın S&P/ASX 200 indeksi 0,12%, MSCI AC Asia Pacific göstəricisi isə 0,97% yüksəlib.
Bazar iştirakçıları Yaxın Şərqdəki geosiyasi risklər, qlobal iqtisadi artımla bağlı narahatlıqlar və investorların texnologiya sektorunda mənfəət realizasiyası fonunda ehtiyatlı davranmağa davam edirlər. Bu amillər xüsusilə Asiya və texnologiya yönümlü indekslər üzərində təzyiq yaradıb.
