Birləşmiş Ştatlar Kuba prezidenti Migel Diaz-Kanelə və keçmiş lider Raul Kastronun oğlu Alejandro Kastro Espin də daxil olmaqla bir sıra digər yüksək vəzifəli Kuba rəsmilərinə sanksiya tətbiq edib.
Elchi.az xəbər verir ki, bu barədə ABŞ Maliyyə Nazirliyi məlumat yayıb.
Yeni məhdudiyyətlər Tramp administrasiyasının Havanaya təzyiqi artırmaq üçün atdığı son addımdır.
Tramp bundan əvvəl Kubaya qarşı sanksiya rejimini genişləndirən, Kuba rəsmilərinə, dövlət qurumlarına və əlaqədar təşkilatlara qarşı əlavə tədbirlər tətbiq edən fərman imzalayıb.
Diaz-Kaneldən başqa, sanksiyalar onun yaxın ətrafını və keçmiş Kuba liderlərinin bir neçə ailə üzvlərini də hədəf alıb. Vaşinqton adanın hakimiyyətini repressiyalarda, korrupsiyada və ABŞ-ın milli təhlükəsizlik maraqlarına zidd fəaliyyətlərdə ittiham etməkdə davam edir.
Hazırkı dövlət başçısına qarşı sanksiyaların tətbiqi nadir hal olsa da, bu, Amerika təcrübəsində ilk belə hal deyil. Bu illər ərzində ABŞ Sudanın keçmiş prezidenti Ömər əl-Bəşir, Zimbabvenin keçmiş prezidenti Robert Muqabe, həmçinin Venesuela prezidenti Nikolas Maduro və onun ailə üzvlərinə qarşı sanksiyalar tətbiq edib.
Yeganə
