“Bəzi Avropa ölkələri nasizmi yeni formada dirçəltməyə çalışırlar”.
Elchi.az xəbər verir ki, bunu Rusiyanın xarici işlər naziri Sergey Lavrov Astanada Qazaxıstanın xarici işlər naziri Yermek Koşerbayevlə geniş tərkibdə danışıqları zamanı deyib.
“Şübhə yoxdur ki, indiki şəraitdə bu xatirə (Böyük Vətən Müharibəsi – redaktorun qeydi) bir sıra Avropa dövlətlərinin nasizmi yeni formalarda dirçəltməkdə israrlı olduqlarını nəzərə alsaq, təkcə tarixi əhəmiyyət kəsb etmir, həm də praktiki əhəmiyyətə malikdir”,-deyə Lavrov bildirib.
Nazir həmçinin vurğulayıb ki, Rusiya-Qazaxıstan münasibətlərinin əsas elementi Böyük Vətən Müharibəsinin xatirəsinə birgə qiymətdir. O bildirib ki, iki ölkə ənənəvi olaraq Qələbənin ildönümünü birlikdə qeyd edir və xüsusi anım tədbirləri keçirir.
Lavrov Qazaxıstanda iki günlük rəsmi səfərdədir. Onun cədvəlinə prezident Kasım-Jomart Tokayev və xarici işlər naziri Yermek Koşerbayevlə görüşlər daxildir.
Yeganə
