Birləşmiş Millətlər Təşkilatının Baş katibi Antonio Quterreş bildirib ki, “Qlobal iqtisadiyyatın nəfəs alması üçün Hörmüz boğazı açılmalıdır”.
Elchi.az xəbər verir ki, Birləşmiş Millətlər Təşkilatının (BMT) Baş katibi Antonio Quterreş BMT Təhlükəsizlik Şurasının “Dəniz su yollarının təhlükəsizliyi və qorunması” mövzusunda keçirilən iclasında “Beynəlxalq sülhün və təhlükəsizliyin qorunması” gündəm maddəsi çərçivəsində çıxış edib. Qlobal ticarətin damarlarını təşkil edən dəniz yollarının təzyiq altında olduğunu bildirən Quterreş deyib: “Geosiyasi gərginlik dənizlərə yayılır, ticarət gəmiləri təzyiq vasitəsi kimi istifadə olunur və dəniz hüququnun fundamental prinsipləri kontekstində naviqasiya hüquqları və azadlıqları pozulur”.
Quterreş mart ayının əvvəlindən bəri Hörmüz boğazından gəmi trafikinin pozulmasının qlobal enerji təhlükəsizliyinə, ərzaq təchizatına və ticarətə mənfi təsir göstərdiyini bildirib və bunun Covid-19 pandemiyası və Ukrayna müharibəsindən bəri ən pis təchizat zəncirinin pozulması olduğunu qeyd edib.
Naviqasiya azadlığının pozulması səbəbindən 20 mindən çox dənizçinin və 2000-dən çox gəminin dənizdə qaldığını vurğulayan Quterreş, üzv dövlətləri Beynəlxalq Dəniz Təşkilatı tərəfindən hazırlanmış təcili təxliyə çərçivəsini dəstəkləməyə çağırdı. Quterreş bildirib ki, “Mən tərəflərə müraciət edirəm: Boğazı açın, gəmilərin rüsumsuz və ayrı-seçkilik olmadan keçməsinə icazə verin, ticarətin bərpasına icazə verin və qlobal iqtisadiyyatın nəfəs almasına icazə verin. BMT olaraq, üzv dövlətləri ortaq məxrəc tapmaqda dəstəkləməyə hazırıq. Böhran dövrləri seçim dövrləridir”.
Şayəstə
