Fransa Prezidenti Emmanuel Makron hökumətlərarası sammit çərçivəsində Polşanın Qdansk şəhərinə səfər edib və Polşanın Baş naziri Donald Tusk ilə görüşüb.
Elchi.az xəbər verir ki, bu barədə “RMF24” məlumat yayıb.
Səfər Polşa-Fransa Dostluğu Gününə həsr olunub və 2025-ci ilin mayında Fransanın Nansi şəhərində iki ölkə arasında imzalanmış gücləndirilmiş əməkdaşlıq haqqında sazişdən sonrakı ilk sammit çərçivəsində baş tutur.
Sənəd təhlükəsizlik, hibrid təhdidlərlə mübarizə, müdafiə sənayesi, iqtisadiyyat, kənd təsərrüfatı və elm sahələrində qarşılıqlı fəaliyyətin genişləndirilməsini nəzərdə tutur.
Səfər proqramına Qdanskdakı, xüsusilə Napoleon ordusunun əsgərlərinin dəfn olunduğu Fransa Hərbi Qəbiristanlığında keçiriləcək mərasimdə iştirak, həmçinin liderlərin dar və geniş tərkibdə görüşləri daxildir.
Tusk və Makron 1970-ci ilin həlak olmuş gəmiqayırma zavodu işçilərinin xatirəsinə ucaldılmış abidənin önünə gül dəstələri qoymağı və Avropa Həmrəylik Mərkəzini ziyarət etməyi planlaşdırırlar. Sammitin əsas danışıqları ikitərəfli münasibətlər, Avropa təhlükəsizliyi və transatlantik əməkdaşlıq məsələlərinə yönəlib.
Məryəm
