Bu ilin yanvar-mart aylarında Azərbaycanda 3 milyard 816 milyon ədəd siqaret istehsal olunub.
Elchi.az Dövlət Statistika Komitəsinə istinadən xəbər verir ki, bu göstərici ötən ilin eyni dövrü ilə müqayisədə 23,3% çoxdur.
Aprelin 1-i vəziyyətinə sənaye müəssisələrinin anbarlarında hazır məhsul ehtiyatı 1 milyard 15 milyon ədəd təşkil edib.
Bundan əlavə, I rübdə 503,3 ton tütün istehsal edilib ki, bu da 2025-ci ilin yanvar-mart ayları ilə müqayisədə 7,4% çoxdur.
Qeyd edək ki, cari ilin yanvar-fevral aylarında Azərbaycana, ümumilikdə, 323 min ABŞ dolları dəyərində 15,5 milyon ədəd siqaret idxal edilib. Hesabat dövründə Azərbaycandan 6 milyon 4,58 min ABŞ dolları dəyərində 374,8 milyon ədəd siqaret isə ixrac olunub.
| Ölkələr | Siqaret idxalı, mln. ədəd | Həcm, min ABŞ dolları |
| Türkiyə | 15,52 | 321,66 |
| Çin | 0,01 | 0,7 |
| Birləşmiş Ərəb Əmirlikləri | – | 0,42 |
| Amerika Birləşmiş Ştatları | – | 0,15 |
| Yaponiya | – | 0,06 |
| Ölkələr | Siqaret ixracı, mln ədəd | Həcm, min ABŞ dolları |
| Gürcüstan | 255,51 | 4809 |
| Qırğızıstan | 99,78 | 989,72 |
| Ölkə təyin olunmayıb | 9,35 | 129,07 |
| Suriya Ərəb Respublikası | 10 | 70 |
| Qazaxıstan | 0,11 | 6,78 |
