Bağdaddakı ABŞ səfirliyi İraqdakı ABŞ vətəndaşlarına ölkəni dərhal tərk etmələri çağırışını təkrarladı.
Elchi.az xəbər verir ki, Bağdaddakı ABŞ səfirliyi İraqdakı ABŞ vətəndaşlarına ölkəni dərhal tərk etmələri çağırışını təkrarladı.
ABŞ-da yerləşən bir şirkətin sosial media hesabında edilən açıqlamada səfirlik bildirib ki, İranla əlaqəli “İraq terrorçu milisləri” yaxın 24-48 saat ərzində Bağdadın mərkəzində hücumlar planlaşdıra bilər.
Bəyanatda iddia edilir ki, İran və ona bağlı “terrorçu milisləri” İraqın müxtəlif yerlərində, o cümlədən İraq Kürdüstan Regional Hökumətində Amerika vətəndaşlarını və ABŞ ilə əlaqəli hədəfləri hədəf alan genişmiqyaslı hücumlar həyata keçirir.
Qeyd edilib ki, bu qruplar Amerika vətəndaşlarını, şirkətlərini, universitetlərini, diplomatik obyektlərini, enerji infrastrukturunu, otellərini, hava limanlarını və ABŞ ilə əlaqəli olduğu düşünülən digər nöqtələri, eləcə də İraq qurumlarını və mülki hədəfləri hədəf ala bilərlər.
Milislərin amerikalıları qaçırmaq məqsədi ilə hədəf aldığı da bildirilən açıqlamada ABŞ vətəndaşları dərhal İraqı tərk etməyə çağırılıb. Bəyanatda həmçinin İraq hökumətinin ölkə daxilində və ya İraq ərazisindən baş verən “terror hücumlarının” qarşısını ala bilmədiyi iddia edilmiş və bəzi milis qruplarının İraq hökuməti ilə əlaqəli ola biləcəyi və bəzi hücumçuların özlərini İraq hökumətinin işçiləri kimi təqdim edən şəxsiyyət vəsiqələri daşıya biləcəyi iddia edilmişdir.
Şayəstə
