ABŞ və İranın Hörmüz boğazının yenidən açılması müqabilində atəşkəs əldə etmək üçün danışıqlar apardığı iddia edilib.
Elchi.az xəbər verir ki, ABŞ-da yerləşən Axios platformasına danışan üç ABŞ rəsmisi, Vaşinqton və Tehran administrasiyaları arasında atəşkəs əldə etmək üçün danışıqların aparıldığını bildirib.
Rəsmilər ABŞ və İranın Hörmüz boğazının yenidən açılması müqabilində atəşkəs əldə etmək üçün danışıqlar apardığını iddia etsələr də, bu danışıqların birbaşa və ya vasitəçilərlə aparıldığı barədə ətraflı məlumat verməyiblər.
Rəsmilər bu danışıqlar nəticəsində razılığa gəlinib-gəlməyəcəyinin hələ də qeyri-müəyyən olduğunu bildiriblər və ABŞ prezidenti Donald Trampın bu ehtimalı həm administrasiya daxilində, həm də xaricində olan rəsmilərlə müzakirə etdiyini iddia ediblər.
Məsələ ilə tanış olan iki mənbə həmçinin Trampın dünən Səudiyyə Ərəbistanının vəliəhd şahzadəsi Məhəmməd bin Salmanla telefonla danışdığını və atəşkəs ehtimalını qaldırdığını, həmçinin Birləşmiş Ərəb Əmirliklərinin (BƏƏ) prezidenti Məhəmməd bin Zayed Əl Nəhyanla da danışdığını iddia edib.
Bu arada, başqa bir mənbə ABŞ-ın vitse-prezidenti JD Vensin 31 martda vasitəçilərlə mümkün atəşkəslə bağlı danışıqlar apardığını və İrana ABŞ-ın Hörmüz boğazının yenidən açılması da daxil olmaqla, tələbləri yerinə yetirilərsə, atəşkəsə açıq olduğunu çatdırdığını bildirib.
Mənbə əlavə edib ki, Vens Trampın razılığa gəlinməsə, ABŞ-ın İran infrastrukturuna zərbə endirəcəyi barədə bəyanatını təkrarlayıb.
Şayəstə
