Moskva Serbiyaya təbii qaz tədarükü ilə bağlı müqaviləni üç ay müddətinə uzatmağa razılaşıb.
Elchi.az xəbər verir ki, bunu Serbiya prezidenti Aleksandr Vuçiç Rusiya prezidenti Vladimir Putinlə telefon danışığından sonra bildirib.
Vuçiçin sözlərinə görə, söhbət tibb, farmakologiya, peyvəndlər, Rusiya şirkətlərinin Serbiyadakı layihələrdə iştirakı məsələlərini əhatə edib.
“Biz çox əlverişli şərtlərlə qaz müqaviləsinin üç aylıq uzadılmasını təmin etdik” dedi Vuçiç. O, müqavilənin konkret təfərrüatlarını açıqlamayıb, lakin Serbiyanın enerji qiymətləri ən aşağı olan ikinci və ya üçüncü ölkə olacağına əmin edib.
Fevral ayında Serbiyanın “Srbijagas” şirkətinin rəhbəri Duşan Bajatović Sankt-Peterburqa səfərindən sonra elan etmişdi ki, Moskva və Belqrad gələn ay ərzində altı aylıq qaz tədarükü müqaviləsi imzalayacaqlar. Mövcud müqavilənin müddəti martda başa çatır və Serbiya çoxdan üç ildən on ilədək müddətə yeni sazişlə bağlı danışıqlar aparmağa çalışır.
Tərəflər Serbiyada qaz böhranının qarşısını almaq üçün qısamüddətli müqavilələr bağlayır. Rusiyanın nəzarətində olduğu üçün ABŞ-ın sanksiyalarına məruz qalan Naftna Industrija Srbije (Neftna Industrija Srbije) ilə bağlı vəziyyət daha uzunmüddətli müqavilə üçün danışıqları çətinləşdirə bilər. Macarıstanın MOL-u aprelin 17-dək Qazprom-un payını almağı planlaşdırır, lakin müqavilə hələ yekunlaşmayıb.
Yeganə
