2020-ci ildə iki ölkə arasında səyahətin dayandırılmasından bəri Şimali Koreyadan Çinə ilk sərnişin qatarı xidməti baş tutub.
Elchi.az Yonhap-a istinadən xəbər verir ki, Şimali Koreyanın paytaxtı Pxenyandan yola düşən sərnişin qatarı bu səhər Çinin paytaxtı Pekinə çatıb.
Dünən yerli vaxtla saat 10:26-da Pxenyandan yola düşən qatar 22 saat 14 dəqiqəlik səyahətdən sonra bu gün yerli vaxtla saat 08:40-da Pekinə çatıb.
Dünən Pekindən yola düşən qatar da dünən axşam Pxenyana çatıb. Beləliklə, qatar xəttində ilk qarşılıqlı sərnişin xidmətləri 6 illik fasilədən sonra baş tutub.
Çin dəmir yolu şirkəti bu həftənin əvvəlində COVID-19 pandemiyası səbəbindən 2020-ci ildə dayandırılan Şimali Koreyaya sərnişin qatarı xidmətlərini bərpa edəcəyini açıqlayıb.
Elanda qatar xidmətlərinin həftənin dörd günü – Bazar ertəsi, Çərşənbə, Cümə axşamı və Şənbə günləri fəaliyyət göstərəcəyi bildirilib.
Şayəstə
