“Avropa İttifaqı (Aİ) Fars körfəzi ölkələrindən neft tədarükündən asılı deyil və yanacaq çatışmazlığı yaşamır, ona görə də Yaxın Şərqdə enerji təchizatı ilə bağlı eskalasiya ittifaqa təsir etmir”.
Elchi.az xəbər verir ki, bu fikirləri Aİ xarici işlər naziri Kaya Kallas Aİ xarici işlər nazirlərinin Körfəz xarici işlər nazirləri ilə onlayn görüşü ərəfəsində jurnalistlərlə söhbətində bildirib.
“Biz Fars körfəzi ölkələrinin neftindən asılı deyilik, ona görə də bunun bizə o qədər də təsiri yoxdur. Amma açıq-aydın bazar qiymətləri qalxarsa, bunun daha geniş təsiri var, lakin biz bunu hazırda görmürük, ona görə də panikaya səbəb yoxdur”, – Kallas qeyd edib.
O, həmçinin əlavə edib ki, Aİ ölkələri regionda dəniz mövcudluğunu gücləndirir və eskalasiya başlayandan bəri çətinləşən təhlükəsiz və azad ticarət naviqasiyasını təmin etməyə çalışırlar.
Yeganə
