Avropa Parlamentinin prezidenti Roberta Metsola Ukraynaya 90 milyard avro kredit ayrılmasını təsdiqləyib.
Elchi.az xəbər verir ki, Avropa Parlamentinin internet saytında dərc edilən məlumatda deyilir ki, Kiyev Aİ-nin Ukrayna Mexanizmi vasitəsilə 30 milyard avro makromaliyyə yardımı və ya dövlət büdcəsi dəstəyi alacaq.
Ölkənin müdafiə qabiliyyətinin dəstəklənməsi və hərbi texnikanın alınması üçün 60 milyard avro ayrılacaq.
458 deputat Ukraynaya kredit verilməsinin lehinə səs verib. 140 nəfər əleyhinə səs verib, 44 nəfər isə bitərəf qalıb.
Avropa Parlamentinin təsdiqi Ukraynanın maliyyənin ilk tranşını alması qarşısındakı son maneəni aradan qaldırır.
Avropa Parlamenti aydınlaşdırıb ki, Ukrayna silah alarkən yerli istehsalçılara, Aİ-də, Avropa İqtisadi Zonasında və Avropa Azad Ticarət Assosiasiyasında təchizatçılara üstünlük verməli olacaq.
“Əgər müəyyən müdafiə materialları Ukraynaya təcili çatdırılmaq üçün həmin ölkələrdə dərhal əldə olunmasa, digər ölkələrdən satınalmalar üçün bir sıra məqsədyönlü məhdudiyyətlər tətbiq olunacaq”, – Avropa Parlamenti qeyd edib.
Yeganə
