Azərbaycanla Türkiyə arasında 2026-cı il üçün 110 maddədən ibarət fəaliyyət planı hazırlanıb.
Elchi.az xəbər verir ki, bunu İnnovasiya və Rəqəmsal İnkişaf Agentliyinin təşkilatçılığı ilə keçirilən “Azərbaycan – Türkiyə biznes forumu: Rəqəmsal transformasiya və texnologiya körpüsü” forumunda Türkiyənin Azərbaycandakı səfiri Birol Akgün deyib.
“İki ölkə arasında 15 milyard dollar səviyyəsində ticarət dövriyyəsinə çatmaq kimi siyasi hədəfimiz mövcuddur. Hörmətli prezidentlərimiz bunu hər fürsətdə dilə gətirirlər. Bu məqsədə çatmaq üçün əlbəttə ki, birlikdə istehsal etmək, birlikdə çalışmaq, birlikdə inkişaf etmək və qardaş xalqlarımızı daha rifahlı sabahlara daşımaq məqsədi ilə yeni dövrdə də işləri birgə davam etdirəcəyik”, – deyə səfir əlavə edib.
