ABŞ Prezidenti Donald Tramp, İranla davam edən danışıqlar uğursuz olarsa, bölgəyə ikinci bir təyyarədaşıyan gəmi göndərməyi düşünür.
Elchi.az xəbər verir ki, ABŞ-da yerləşən Axios xəbər platformasına verdiyi müsahibədə Tramp, İranla bağlı gündəmi qiymətləndirdi.
Tramp, İranla danışıqlar uğursuz olarsa, mümkün hərbi əməliyyata hazırlıq məqsədilə Yaxın Şərqə ikinci bir təyyarədaşıyan zərbə qrupu göndərməyi düşündüyünü bildirdi.
ABŞ Prezidenti: “(İranla) Ya razılaşma əldə edəcəyik, ya da keçən dəfəki kimi çox sərt tədbirlər görməli olacağıq” dedi və danışıqların ikinci mərhələsinin gələn həftə keçiriləcəyinə ümid etdiyini bildirdi.
Tramp, başqa bir təyyarədaşıyan zərbə qrupu göndərməyi düşündüyünü vurğulayaraq, “Oraya bir donanmamız gedir və başqa biri gedə bilər” dedi.
Tramp, İranın ABŞ-ın keçən dəfə hücum edəcəyinə inanmadığını, lakin İranın nüvə obyektlərini hədəf aldığını izah edərək, “Bu danışıqlar fərqlidir” dedi.
Tramp, İranla hər hansı bir razılaşmanın bütün nüvə proqramını əhatə edəcəyini və razılaşmanın İranın ballistik raket proqramını da hədəf almalı olduğunu bildirdi.
Şayəstə
