İsraillə diplomatik əlaqələrin kəsilməsi ilə bağlı Kolumbiya prezidenti Qustavo Petro, “Soyqırımın baş verdiyi bir yerdə münasibətlərin kəsilməməsi heç bir layiqli insanın qəbul edə biləcəyi vəziyyət deyil” – deyib.
Elchi.az xəbər verir ki, sosial media hesabında müxalifətin İsraillə diplomatik əlaqələrin kəsilməsi ilə bağlı tənqidlərinə cavab verən Petro, “Soyqırımın baş verdiyi bir yerdə münasibətləri kəsməmək, heç bir layiqli insanın qəbul edə biləcəyi bir vəziyyət deyil. İnsanlığa qarşı cinayət törədilir və hamımız insanıq”- qiymətləndirməsini edib.
Kolumbiya mayın 3-də Qəzzada Fələstin xalqına qarşı davam edən hücumları əsas gətirərək İsraillə diplomatik əlaqələri kəsdiyini rəsmən açıqlayıb.
Hökumətin İsraillə bağlı qərarı keçmiş prezidentlər İvan Duke və Xuan Manuel Santos tərəfindən “sərt” tənqid edilib.
Nuranə Məmmədova
Son şərhlər