Şoyqu Plesetsk kosmodromunda tikinti və qurğuların modernləşdirilməsinin gedişini yoxlayıb.
Elchi.az xəbər verir ki, Rusiyanın müdafiə naziri Sergey Şoyqu Arxangelsk vilayətində yerləşən Plesetsk kosmodromunun ərazisində infrastruktur obyektlərinin tikintisi və modernləşdirilməsinə baxış keçirib. Bu barədə ölkənin hərbi idarəsinin rəsmi Telegram kanalında məlumat verilib.
Açıqlamada qeyd olunur ki, tədbir zamanı Şoyqu akt zalında yüngül və ağır dərəcəli kosmik raketlərə baxış keçirib. O, həmçinin Anqara kosmik kompleksinin buraxılış aparatları üçün universal raket modullarının buraxılışına hazırlıq kompleksini yoxlayıb.
“Bu raketlərin altı buraxılışı artıq uğurla həyata keçirilib. Bu il daha üç bu sinif daşıyıcı raketlərin buraxılışının həyata keçirilməsi planlaşdırılır”, – nazir yoxlamanın yekunlarına dair işçi müşavirədə bildirib.
Eyni zamanda, idarə rəisi Plesetsk kosmodromundan kosmik gəmilərin buraxılması imkanlarının iki dəfə artacağını proqnozlaşdırıb. O izah edib ki, bu, Soyuz raketlərinin ikinci buraxılış kompleksinin modernləşdirilməsi başa çatdıqdan sonra baş verəcək.
“Rokot yüngül sinifli raket-kosmik kompleksin modernləşdirilməsi üzrə işlər aparılır”, – Şoyqu əlavə edib.
Onun sözlərinə görə, bu kompleksin ilk sınaqları 2024-cü ilin dekabrına planlaşdırılır.
Şayəstə Hüseynova
Son şərhlər