Olimpiya Oyunlarına 4 ay qalmış Fransanın paytaxtı Parisdə təhlükəsizliklə bağlı narahatlıqlar artır. Bu prosesdə təhlükəsizliyin necə təmin ediləcəyi maraq doğurur.
Elchi.az xəbər verir ki, Fransa Müdafiə Nazirliyi bir çox ölkələrin Olimpiya Oyunları zamanı Parisə əlavə qüvvələr göndərəcəyini açıqlayıb.
Ötən həftə Rusiyanın paytaxtı Moskvada 143 nəfərin həyatını itirdiyi terror aktı Olimpiya Oyunlarına ev sahibliyi etməyə hazırlaşan Fransada çaxnaşmaya səbəb olub.
Terror xəbərdarlığının ən yüksək səviyyəyə qaldırıldığı bir ölkədə Olimpiya Oyunları zamanı təhlükəsizliyin necə təmin ediləcəyi maraq doğurur.
Fransa Müdafiə Nazirliyi bu müddət ərzində bir çox ölkənin Parisə əlavə qüvvələr göndərəcəyini açıqlayıb.
Yanvar ayında Fransa 46 ölkədən Olimpiya oyunlarının təhlükəsizliyini təmin etmək üçün müraciət etmişdi.
Bu günə qədər 35-dən çox ölkədən müsbət cavablar alınıb.
Nəhayət, Polşa da əlavə qüvvələr göndərəcəyini açıqladı.
İyulun 26-da Paris Olimpiadasının açılış mərasimində 45 min jandarm və polis əməkdaşı iştirak edəcək.
Avqustun 11-dək davam edəcək Olimpiya Oyunları zamanı hər gün 35 min asayiş keşikçisi vəzifə yerinə yetirəcək.
Nuranə Məmmədova
Son şərhlər