Elchi.az xəbər verir ki, Kremlin sözçüsü Dmitri Peskov Qərb ölkələrinin Ukraynaya qoşun yeridəcəyi təqdirdə NATO ilə Rusiya arasında qarşıdurma ehtimalının “qaçılmaz” olacağını bildirib və “Biz də Makronun münasibətindən çox xəbərdarıq” deyib.
Bu ehtimalın gündəmə gəlməsinin mühüm və yeni bir hadisə olduğunu bildirən Peskov, “Fransa prezidentinin bəyanatının bütün digər məqamlarını artıq eşitmişik və nəzərə almışıq. Makronun məsələ ilə bağlı münasibətini də çox yaxşı bilirik. Rusiyaya strateji məğlubiyyətin verilməsinin zəruriliyi”. deyib.
Qərb ölkələrinin Ukraynaya qoşun yeridəcəyi təqdirdə NATO ilə Rusiya arasında qarşıdurma olub-olmayacağı ilə bağlı suala Peskov, “Belə olan halda, biz artıq imkandan deyil, qaçılmazlıqdan danışmalıyıq. Biz belə qiymətləndiririk” deyib.
NATO ölkələrinin bu cür hərəkətləri diqqətlə qiymətləndirməsi lazım olduğunu ifadə edən Peskov, “Bunun öz maraqlarına, ən əsası isə öz ölkələrinin vətəndaşlarının mənafelərinə uyğun olub-olmadığını soruşmalıdırlar” deyib.
Dünənki açıqlamasında Makron bildirib ki, 2 ildən artıqdır Rusiyaya qarşı döyüşən Ukraynaya qoşun yeridilməsi ilə bağlı Avropa ölkələri arasında konsensus yoxdur, lakin bu ehtimalı da nəzərdən qaçırmaq olmaz.
Şayəstə Hüseynova
Son şərhlər