Hindistan 2024-cü ilin üçüncü rübündə kosmosa insanabənzər robot göndərməyi planlaşdırır.
Elchi.az xəbər verir ki, bunu jurnalistlərə Hindistan hökumətində nüvə və kosmik sənayelərə nəzarət edən dövlət naziri Jitendra Sinqh bildirib.
Pilotsuz missiya insanlıdan əvvəl olacaq. “Pilotsuz Vyommitra missiyası bu ilin üçüncü rübündə planlaşdırılır” -deyə rəsmi bildirib.
Dövlət naziri əlavə edib ki, pilotsuz missiya kosmik mühitdə insan funksiyalarını simulyasiya etməyi və həyatı təmin edən sistemlərlə qarşılıqlı əlaqə qurmağı planlaşdırır. Robotun imkanlarına gəminin parametrlərinə nəzarət etmək, onun altı panelinə nəzarət etmək və yerüstü stansiyadan gələn sorğulara cavab vermək daxildir.
Avqustun 23-də Hindistanın “Çandrayaan-3” adlı planetlərarası robot stansiyası Ayın səthinə uğurla eniş edərək Hindistana dünyada bunu edən dördüncü ölkə olmağa imkan verib.
Nuranə Məmmədova
Son şərhlər