Salvadorda prezident və parlament seçkiləri başlayıb. Mərkəzi Amerika ölkəsində 6,2 milyon seçicinin səsverməsi üçün 1,5 mindən çox məntəqə açılıb.
Elchi. az xəbər verir ki, 2024-cü ildə keçiriləcək prezident seçkilərində 6, parlament seçkilərində isə 13 siyasi partiyanın namizədliyi qeydə alınıb.
Salvador prezident respublikasıdır, dövlət başçısı birbaşa gizli səsvermə yolu ilə beş il müddətinə seçilir. Birinci turda qalib gəlmək üçün namizəd seçicilərin 50 %-dən çoxunun dəstəyini almalıdır. Namizədlərdən heç biri səslərin mütləq əksəriyyətini almazsa, ikinci tur keçirilir, burada qalib birinci turda lider olan iki namizədin sadə səs çoxluğu ilə müəyyən edilir.
Amerikanın “Gallup” ictimai rəy institutunun yanvarda keçirdiyi sorğuda respondentlərin 80 %-dən çoxu ölkənin hazırkı prezidenti Nayib Bukelenin yenidən seçilməsi üçün səs verməyə hazırdır (avtoritar idarəetmə tərzində ittihamlara baxmayaraq, o, hələ də son dərəcə populyar siyasətçi kimi qalır; prezidentliyi dövründə onun reytinqi 80 %-dən aşağı düşmürdü). Yenidən seçiləcəyi təqdirdə, cinayət və korrupsiya ilə mübarizəni davam etdirəcəyini, texnologiyanın inkişafına və milli iqtisadiyyatda rəqəmsal valyutanın təşviqinə sərmayə qoyacağını vəd edir (Salvador dünyada “Bitcoin”ə qanuni ödəniş vasitəsi statusu verən ilk ölkədir). İctimai rəy sorğularına görə, Bukelenin “Yeni fikirlər” partiyası parlament seçkilərində ciddi dəstək alır.
Son şərhlər