Şimali İrlandiya polisi 11,4 milyon avro dəyərində kokain ələ keçirib və narkotik dəstəsinin arxasınca düşüb.
Elchi.az xəbər verir ki, keçən həftə adi polis patrulu zamanı o, dondurulmuş ət daşıyan yük maşınında saxlanılıb. Axtarış zamanı yük maşınında bazar dəyəri 11,4 milyon avro olan 118 kiloqram kokain götürülüb.
Detektivlər bu əməliyyatın Şimali İrlandiyada indiyə qədər ən böyük kokain müsadirəsi olduğunu deyirlər.
Dublin və Meat şəhərlərində yerləşən cinayətkar dəstə keçən həftə Şimali İrlandiyada rekord məbləğdə olan 11,4 milyon avro dəyərində kokainin müsadirə edilməsi ilə əlaqəli olmaqda şübhəli bilinir.
Dəstəyə əvvəllər ona qarşı sui-qəsd cəhdindən sağ çıxan və keçmişdə də mütəşəkkil cinayətə görə həbs edilmiş 40 yaşlarında bir şəxs rəhbərlik edir.
Təşkilatın İrlandiya və Avropadakı digər cinayət qrupları ilə sıx əlaqələri var və Kinahan kartelindən ayrı geniş şəbəkə fəaliyyət göstərir.
Yerli KİV-in məlumatına görə, “polis bir neçə aydır ki, bu şəbəkəni araşdırır və kəşfiyyat onların narkotiklərin daşınmasında mühüm rol oynadığını və yerli səviyyədə logistika, satış və təchizatla məşğul olan Şimaldakı dəstələr tərəfindən köməklik edildiyini göstərir. ”
Polisin fikrincə, qabaqcıl gizlətmə üsulu və ələ keçirilən məbləğ cinayət təşkilatının çox yaxşı təşkil olunduğunun sübutudur.
Şayəstə Hüseynova
Son şərhlər